အိမ်မလည်ရခြင်း ဝေဒနာ

ရွာမှာ အိမ်လာလည်ရင် ရှိတာ ချကျွေးတာပါပဲ။ ထမင်းရှိ ထမင်း၊ မုန့်တီရှိ မုန့်တီ၊ လှော်စာရှိ လှော်စာ။ ထမင်းဆိုတာကလည်း အနည်းဆုံး တယောက်စာတော့ အမြဲ ပိုချက်တတ်တယ်။

မြန်မာတွေက အိမ်လည်တဲ့ လူမျိုးတွေပဲ။

ကျနော်တို့ရွာမှာ ညနေ ထမင်းစားအပြီး ၄ နာရီ ၅ နာရီကျော်လောက်ဆို ဘေးအိမ် ဒါမှမဟုတ် ရွာတဖက်ခြမ်းက အိမ် တအိမ် သွားလည်လေ့ရှိတယ်။ အမေရော အဖေရောပဲ။ တယောက် တအိမ်၊ တခါတလေ တအိမ်တည်းမှာ ကျနော်ရော အဖေရော အမေရော ဆုံတာတောင် ရှိတယ်။

အိမ်တိုင်းနီးပါး ဟိုဖက်ရွာ ဒီဖက်ရွာ အားတဲ့ရက်မျိုးဆို စက်ဘီးနဲ့ဖြစ်ဖြစ် တချို့လည်း လှည်းကြုံ ကားကြုံ စီး…